Sondag 11 Mei 2008

Ok dit is 14:00 Hong Kong tyd. Op die oomblik is dit 15:00 in Seoul! Dit is 2086 km nog tot in Seoul. Die weer is erg bewolk op die lughawe maar ek dink nie dis koud nie. Dink die kaptein wat ons hierheen gevlieg het, het iets gese van 22 grade C?

Ons vlieg nou met Cathay Pacific Airline.

Ek het van die Kaap tot in Jozi by die venster gesit en toe in Jozi, toe sit daar niemand langs my nie, so toe sit ek maar weer by die venster. Wat ook beteken het ek kom my lekker plat trek en SLAAP (nie dat daar te veel daarvan gebeur het nie). Ek MOES nou ook by die venster gesit het maar die Korean wat in die middel gesit het toe ek hier aankom was nie lus vir opstaan nie. En ek sit ALWEER op die vlerk. Wonder of dit so beplan is..

Ons is veronderstel om oor 9 minute te vlieg. Laat ons hoop niemand is die keer laat nie.

Ons trek 15:40 weg uit Hong Kong. Die Amerikaanse pilot se ons sal so 2ure en 45 minute lank vlieg.

Ok wat super AWESOME is, is dat daar 'n videokamera agter die middelste wiel van die vliegtuig is en jy kan dit op jou screen reg voor jou sien. Hier kom die LIFT OFF!

Ok dis Maandagoggend 01:23. Ek het alles uitgepak en ek is besig om my klere wat ek vandag aangehad het te was. My internet is nog nie gekoppel nie en my cabel is ook nie reg nie. So ek het 'n computer wat niks beteken nie en 'n televisie met 5 kanale, nie een wat ek kan verstaan nie.

Ek en Steven gaan more skool toe dat ek kan gaan kyk waar ek klasgee EN hoe ek daar moet kom.

Steven het darem vir my water, melk en noodles gekoop, so daar is darem iets in my yskas. Ek hoop net nie ek vergeet dat ek nie die water mag drink nie. Wil nie graag vir 'n week op die toilet vertoef nie. Grossssss.

Ek gaan kyk of ek en Sossie more vir my so 'n paar goedjies kan gaan koop.